მარგალური ნინა - მეგრული ენა

ჩე ჯა ვეგეშქირიტა,
ცას მიარეს-მიორე,
ალნარქია ჩხილიტა
დიხას დოურსიოლე.
ამარ მერეს მიწორე,
ჩე თუთა რე კანთია,
ცაშა დღასჷ ვეწორე,
სო,მის მეუღ სქან თია.
რინა იჭყანს ციზაფის,
თირი გიმოცირანსჸ,
მა ეკვობუქ ჩქიმ ძაფის,
ვარ ღორონთიშ ცირასჷ...

ქომოფრთი-დო რძირუნქ ჭუმე,
გურიშ მაჭყაფ გორგინჯუა.
ჩე მუნაფეფ ქაწიბჯუმე,
ართო სქვამი, ფომფიჯგუა.
თე ქიანა აწომიდგუ
მოგვერგვილი გობიჯგუა.
ცაქ გინწყუ დო ქომოფუბრინ,
დიხას კუჩხის ვობიჯგუა.
---
ზაალ ჯალაღონია
ზუგდიდი

წყარო: WWW.Facebook.com/MegrelianLanguage

ბჟა დო მა - მეგრული ლექსი
გ. ქავთარაძე

იობიქ გამუნოფურინჷ ჩქიმ ჸუდეშა
დო შურიშ ფარდას ქუმკმოსქუ
კითიშა გიკოროცხედუნ თიზჷმა მარქვალი.
მოჭვაცალო მუნუოტიბუდი დო
გამუნიპონი სუმი ჭერჭეფსუალამი ფარფალია.
სიტიბა დო ჸოროფა ვემემრკებუნ ეფერო
ქენიბრდე წიაკალო რსხულიშ ინოხ.
გამუწირდეს დო თინეფიშ ფურინუას ქაჸუნჷ
ჩქიმი ეჩი დო ამშვი კაკალია ნაშაყარა ჭუაქჷთ...
---
გ. ქავთარაძე
ზუგდიდი

წყარო: WWW.Facebook.com/MegrelianLanguage

კიდალაშა მიკომიჭკადჷ გური,
ბკოროცხუნქ დო წუნს ოშ წირეს გიაშქვანს…
ვაფჩირთუქ-და, ამდღა ჟირშა ბღური,
მარა ასე ღურუს ჩქიმდა მი მაშქვანს?
ის მუ ჸვილუნს თეზმა ჭუაშ მინარჩქვანს -
ღურუს ხოლო ვიშო თელათ გინაშქვანს!
---
გ. ქავთარაძე
ზუგდიდი

წყარო: WWW.Facebook.com/MegrelianLanguage